Yje të njohur, politikanë dhe qytetarë të zakonshëm po i bashkohen thirrjeve për të vendosur një takë për ndotësit ndaj kompanive të karburanteve fosile, pasi një sondazh ndërkombëtar i ri zbulon mbështetje dërrmuese në të gjithë botën për këtë masë.
Sondazhi i realizuar në emër të Oxfam dhe Greenpeace, me mbi 15,000 pjesëmarrës nga 13 vende, tregoi se 81% e njerëzve besojnë se qeveritë duhet të taksojnë kompanitë e naftës, gazit dhe qymyrit për dëmet mjedisore që ato shkaktojnë – përfshirë zjarret në pyje, përmbytjet dhe thatësirat, shkruan Positive News, përcjell Katror.info.
Sipas Oxfam, një taksë e tillë mund të siguronte 400 miliardë dollarë (298 miliardë euro) në vit, të cilat mund të mbulojnë kostot vjetore të dëmeve klimatike në vendet në zhvillim.
Mundesh me e lexu edhe…
Në përgjigje, Greenpeace ka nisur marrëveshjen Polluters Pay Pact, e cila është firmosur nga mbi 120,000 persona në MB, përfshirë aktorin dhe regjisorin Peter Capaldi.
“Është çmenduri e vërtetë që udhëheqësit botërorë nuk dinë si të mbulojnë dëmet nga përmbytjet, zjarret dhe tajfunet, ndërsa korporatat e naftës dhe gazit – që janë fajtorët kryesorë – po fitojnë miliarda,” tha Capaldi.
“Qeveritë duhet t’i marrin ato miliarda dhe t’i dërgojnë tek komunitetet që kanë nevojë – dhe të sjellin menjëherë një taksë për ndotësit.”/Katror.info
