Prishtina do të bëhet sërish epiqendra e filmave dokumentarë dhe ndërkombëtarë këtë korrik, me dy ngjarje të shumëpritura nga adhuruesit e kinemasë: PriDox nga data 1 deri më 3 korrik dhe PriGlobal nga 8 deri më 10 korrik, shkruan Katror.info.
PriDox hap javën e parë të korrikut me një program të pasur filmash dokumentarë, që do të shfaqen nga 01 deri më 03 korrik në kinemanë nën qiellin e hapur në EDHE (Sofali). Publiku do të ketë mundësinë të shijojë net verore me filma të përzgjedhur, muzikë relaksuese dhe ushqim të mirë, në një atmosferë të veçantë mes natyrës dhe pamjes mahnitëse mbi Prishtinë.
Pas javës së dokumentarëve, ngjarja vazhdon me PriGlobal, nga 8 deri më 10 korrik, duke sjellë filma ndërkombëtarë dhe perspektiva të reja kinematografike për publikun kosovar.
Mundesh me e lexu edhe…
Të dyja programet janë pjesë e PriFest, një festival i mirënjohur filmi në Kosovë, dhe organizohen me mbështetjen e Ministrisë së Kulturës, Rinisë dhe Sportit (MKRS)./Katror.info
