Në ambientet e Fakultetit të Edukimit të Universitetit të Prishtinës ka filluar punimet Konferenca Ndërkombëtare për Kërkime Arsimore – KICER 2025, një ndër ngjarjet më të rëndësishme akademike në fushën e arsimit në Kosovë dhe më gjerë, shkruan Katror.info.
Hapjen zyrtare të edicionit të pestë të kësaj konference e bëri Dr. Blerta Perolli-Shehu, Prodekane për Shkencë dhe Zhvillim në Fakultetin e Edukimit, e cila në fjalën e saj hyrëse falënderoi pjesëmarrësit për prezencën dhe theksoi rëndësinë e krijimit të platformave shkencore që nxisin bashkëpunimin akademik dhe ndërkombëtar.
KICER 2025 po zhvillohet më 26 dhe 27 qershor dhe këtë vit fokusohet në temën: “Arsimi në një Epokë të Globalizuar: Sfidat dhe Mundësitë për Mësimdhënie dhe Mësimnxënie Transformuese”. Tema synon të adresojë ndikimin e globalizimit në arsimin bashkëkohor, duke vënë theksin në përfshirjen, inovacionin pedagogjik dhe ndërthurjen ndërmjet politikave dhe praktikës arsimore.
Mundesh me e lexu edhe…
Konferenca mbledh studiues, mësimdhënës dhe politikëbërës nga Kosova, rajoni dhe më gjerë, për të ndarë rezultate kërkimore, praktika të mira dhe politika të reja në fushën e arsimit. Ajo shërben si një forum i hapur për diskutim shkencor dhe shkëmbim idesh rreth sfidave dhe mundësive që sjell një botë gjithnjë e më e ndërlidhur.
Aktivitetet do të vazhdojnë edhe më 27 qershor në hapësirat e F#TransformativeTeaching, me sesione të shumta tematike dhe prezantime shkencore./Katror.info
