Arritja e objektivit për emetime zero neto deri në vitin 2050 mund të jetë e realizueshme për Mbretërinë e Bashkuar – “nëse qeveria qëndron në rrugën e duhur”, paralajmëruan këtë javë ekspertët e Komitetit për Ndryshime Klimatike (CCC).
Paneli këshillues i qeverisë publikoi raportin vjetor të progresit, i cili tregon se emetimet në vitin 2024 ranë në më pak se 50% të niveleve të vitit 1990. Kjo tregon se vendi është në rrugën e duhur për të arritur objektivin e ndërmjetëm: një ulje prej 68% deri në vitin 2030, shkruan Positive News, përcjell Katror.info.
Shumica e këtij progresi është bërë falë kalimit nga lëndët djegëse fosile në energjinë e ripërtërishme në sistemin energjetik të vendit, dhe CCC pret përparim të mëtejshëm me përhapjen gjithnjë e më të madhe të veturave elektrike.
Mundesh me e lexu edhe...
Lajme pozitive ka edhe për restaurimin e tokave torfëzore dhe mbjelljen e pemëve – kjo e fundit arriti nivelin më të lartë në dy dekada gjatë viteve 2023–24.
Megjithatë, CCC paralajmëron se të dy fushat janë ende prapa objektivave të vendosura dhe nënvizon se përhapja e pompave të nxehtësisë duhet të përshpejtohet nëse duam të arrijmë objektivin e vitit 2050. Një tjetër pengesë është edhe çmimi i lartë i energjisë elektrike, që sipas ekspertëve, po e frenon tranzicionin e gjelbër.
“Mbretëria e Bashkuar duhet të ndihet krenare për përparimin që ka bërë në reduktimin e emetimeve. I kemi ulur ato me mbi 50% që nga viti 1990”, tha Piers Forster, kryetar i CCC.
“Por qeveria duhet të bëjë më shumë për t’i treguar qytetarëve përfitimet e veprimeve klimatike në faturat e tyre. Në një botë me gjeopolitikë gjithnjë e më të paqëndrueshme, është jetike që të heqim dorë nga lëndët djegëse fosile të pasigurta dhe të kalojmë sa më shpejt në energji të pastër dhe vendore.”
“Epoka e karburanteve fosile ka mbaruar – e ardhmja jonë është energjia e lirë dhe e pastër.”/Katror.info
