Ngjyra e gjelbër është ndër ngjyrat më qetësuese dhe të lidhura me natyrën që mund të përdoret në ambientet e brendshme.
Në psikologjinë e ngjyrave, ajo lidhet me rigjenerimin, ekuilibrin emocional dhe ndjesinë e sigurisë – elementë kyç për një mjedis të shëndetshëm në shtëpi.
Sipas studimeve të ndryshme, ekspozimi ndaj nuancave të gjelbërës ndihmon në uljen e nivelit të kortizolit, hormonit të stresit, duke përmirësuar humorin dhe reduktuar ndjeshëm ankthin.
Mundesh me e lexu edhe…
Truri ynë e përjeton gjelbërën si një tregues të natyrës pyjeve, fushave dhe gjelbërimit dhe për këtë arsye, kjo ngjyrë aktivizon ndjesinë e qetësisë dhe mbrojtjes.
Për të përfituar nga efekti pozitiv i gjelbërës në shtëpi, mjaftojnë disa ndërhyrje të vogla:
- Shto jastëkë, perde ose qilima me nuanca të gjelbërta;
- Vendos bimë të gjalla në dhoma të ndryshme, të cilat përveç estetikës, përmirësojnë edhe cilësinë e ajrit;
- Në dhomën e gjumit, kjo ngjyrë ndihmon në krijimin e një atmosfere relaksuese dhe përmirëson cilësinë e gjumit;
- Në hapësirat e punës, gjelbëra nxit kreativitetin, përqendrimin dhe ul tensionin
Përveç ndikimit emocional, kjo ngjyrë sjell edhe përfitime në aspektin fizik, duke rritur ndjesinë e energjisë dhe vitalitetit në ambientet e përditshme.
Integrimi i ngjyrës së gjelbër në shtëpinë tuaj është një mënyrë e thjeshtë, natyrale dhe efektive për të përmirësuar mirëqenien mendore, emocionale dhe fizike.
Në një botë të ngarkuar me ritme të larta dhe stres të vazhdueshëm, gjelbërimi në hapësirat e brendshme sjell balancë, harmoni dhe frymëmarrje më të lehtë, për mendjen dhe trupin. /Katror.info
Përgatiti:
