Nga superheronjtë klasikë, te rikthimet nostalgjike dhe debutimet ambicioze, ky korrik vjen me një përzgjedhje mbresëlënëse filmash që vlejnë të shihen në kinema apo nga rehatia e shtëpisë, shkruan BBC, përcjell Katror.info.
Ja dhjetë tituj që nuk duhet t’i humbisni këtë muaj:
1. Eddington
Ari Aster, i njohur për “Hereditary” dhe “Midsommar”, ndryshon drejtim me një satirë të errët komike për një qytet të vogël në shkretëtirën e New Mexico-s. Joaquin Phoenix luan sherifin në përplasje me kryetarin e qytetit (Pedro Pascal), ndërsa pandemia dhe protestat “Black Lives Matter” trazojnë gjithçka. Kritika e Elle e quan “një nga filmat më tërheqës të vitit”.
Premiera: 18 korrik në SHBA / 24 korrik në Australi
2. Heads of State
Presidenti amerikan (John Cena) dhe Kryeministri britanik (Idris Elba) bëhen heronj aksioni pasi aeroplani i tyre rrëzohet në territor armiqësor. Një komedi aksion me shumë energji dhe përleshje spektakolare, regjinë e mban Ilya Naishuller (“Nobody”).
Premiera: 2 korrik në Prime Video globalisht
3. Together
Allison Brie dhe Dave Franco luajnë një çift që pas një incidenti misterioz në një shpellë, fillojnë të shkrihen fizikisht me njëri-tjetrin, në kuptimin literal. Një horror i çuditshëm, me nota romantike dhe humor të zi. Kritika e IndieWire e cilëson si një “shfaqje të kënaqshme për adhuruesit e filmave ‘midnight’”.
Premiera: 30-31 korrik në SHBA, Kanada, MB dhe Australi
4. 40 Acres
Në një të ardhme post-pandemike ku kafshët janë zhdukur, një familje përpiqet të mbijetojë në një fermë të izoluar në Kanada. Një thriller mbijetese me mesazhe sociale për racizmin dhe komunitetin. Një debutim i fuqishëm që i jep zë përvojave të margjinalizuara.
Premiera: 2 korrik në SHBA
5. Superman
DC nis kapitullin e ri me një Superman më njerëzor e më optimist, të interpretuar nga David Corenswet. Krahas Lois Lane (Rachel Brosnahan), shfaqen edhe Hawkgirl, Green Lantern dhe Krypto, qeni super. James Gunn premton një qasje të re mbi heroin klasik: “Ky është një Superman i ndërlikuar, por thellësisht njerëzor.”
Premiera: nga 8 korriku ndërkombëtarisht
6. Smurfs: The Smurfs Musical
Smurfët kthehen me një film të ri animuar-më-live action në Paris, dhe këtë herë, Rihanna sjell zërin e Smurfette dhe këngë të reja origjinale. Stili i animacionit frymëzohet nga komiket klasike belgje të Peyo, me shumë ngjyra, energji dhe humor.
Premiera: nga 16 korriku ndërkombëtarisht
7. I Know What You Did Last Summer
Kulti i viteve ‘90 rikthehet me një sequel që vazhdon historinë origjinale. Julie dhe Ray, tani të rritur, përballen me pasojat e së kaluarës, ndërsa një grup i ri adoleshentësh përfshihen në një aksident fatal. Një thriller i përgjakshëm në stilin klasik të viteve ‘90′ me një dimension emocional të ri.
Premiera: nga 16 korriku ndërkombëtarisht
8. The Fantastic Four: First Steps
Pedro Pascal, Vanessa Kirby, Joseph Quinn dhe Ebon Moss-Bachrach sjellin një version të ri të katërshes ikonike, në një realitet paralel të frymëzuar nga optimizmi i viteve ’60 dhe gara hapësinore. Kjo nuk është thjesht një histori superheroike, është një rikthim në një epokë ëndrrash dhe eksplorimesh.
Premiera: nga 23 korriku ndërkombëtarisht
9. Apocalypse in the Tropics
Dokumentaristja braziliane Petra Costa hulumton ndikimin e lëvizjeve evangjeliste në politikën e Brazilit dhe përqafimin e Bolsonaro-s nga besimtarët. Një dokumentar i fuqishëm që ngre pyetje edhe për demokracinë në mbarë botën.
Premiera: 14 korrik në Netflix globalisht
10. Jurassic World Rebirth
Me një frymë nostalgjike dhe një qasje më intime, “Rebirth” sjell Scarlett Johansson dhe Mahershala Ali në një mision mbijetese në një ishull plot dinosaurë. Një homazh për origjinalin e Spielberg, që risjell emocionin, habinë dhe frikën e parë.
Premiera: nga 2 korriku ndërkombëtarisht. /Katror.info
Përgatiti:
