Pas paraqitjeve të shkëlqyera me kombëtaren e Kolumbisë në Copa America 2024, James Rodriguez mund të rikthehet në futbollin spanjoll.
Edhe pse më herët u përfol për një kalim të mundshëm te Rayo Vallecano, duket se destinacioni i tij i ardhshëm mund të jetë një tjetër klub në La Liga, Real Oviedo.
Sipas “AS”, mesfushori 33-vjeçar është në ‘radarin’ e Real Oviedos, klub që sapo ka siguruar ngjitjen në elitën e futbollit spanjoll dhe synon të përforcojë skuadrën me emra me përvojë ndërkombëtare.
Mundesh me e lexu edhe…
Transferimi i mundshëm i James do të realizohej përmes ndërhyrjes së Grupo Pachuca, grupi që menaxhon edhe Club Leon (klubi aktual i James) dhe ka lidhje të drejtpërdrejta me Real Oviedon.
Kjo e lehtëson kalimin e yllit kolumbian në klubin asturian, i cili është i gatshëm t’i ofrojë një rol të rëndësishëm në sezonin e rikthimit në La Liga, shkruan RTK.
Për James Rodriguez, kjo do të ishte një tjetër mundësi për të treguar vlerat e tij në një nga ligat më të forta të botës, pas aventurave të tij me Real Madridin dhe më pas në ekipe si Bayern Munich, Everton, Olympiacos dhe më së fundmi Club Leon./Katror.info
