Ribashkimi i grupit të njohur K-Pop, BTS, është pritur me entuziazëm nga fansat në mbarë botën. Shtatë anëtarët – Jin, RM, V, Jimin, J-Hope, Jung Kook dhe Suga, njoftuan se do të kthehen në pranverën e vitit 2026 me një album të ri dhe një turne botëror.
Lajmin e bënë të ditur të martën gjatë një transmetimi të drejtpërdrejtë në platformën “Weverse”, e cila është në pronësi të kompanisë menaxhuese të grupit. Ishte hera e parë që të shtatë anëtarët u shfaqën së bashku që nga shtatori i vitit 2022.
“Pranverën e vitit të ardhshëm do të publikojmë një album të ri. Duke filluar nga korriku, do të punojmë së bashku për muzikën tonë të re. Ky do të jetë një album grupi që do të pasqyrojë idetë dhe mendimet tona të përbashkëta. Po i afrohemi projektit me të njëjtin entuziazëm si në fillimet tona,” thanë ata në njoftim.
Mundesh me e lexu edhe…
Sipas një komunikate për media, grupi do të jetë në SHBA këtë muaj për të nisur incizimet e albumit të ri.
Ky projekt do të jetë albumi i parë i BTS pas disa lansimeve të fundit, si “Proof” në vitin 2022, albumi përmbledhës me këngë në gjuhën japoneze “BTS, the Best” në vitin 2021, dhe albumi i fundit i incizuar në studio “Be” në vitin 2020.
Përveç albumit, grupi paralajmëroi edhe një turne botëror – të parin pas katër vitesh mungesë aktiviteti live. Ky lajm erdhi vetëm pak javë pasi katër prej superyjeve të BTS-së – RM, V, Jimin dhe Jung Kook – u liruan nga ushtria e Koresë së Jugut pas përmbushjes së shërbimit të detyrueshëm.
Në Korenë Jugore, të rinjtë nga 18 deri në 28 vjeç janë të detyruar ligjërisht të shërbejnë në ushtri për 18 deri në 21 muaj.
Gjashtë nga shtatë anëtarët e BTS-së kanë kryer shërbimin ushtarak, ndërsa Suga ka përmbushur detyrën e tij si agjent i shërbimit social, një alternativë ndaj ushtrisë. /Katror.info
Përgatiti:
