Lorde ka treguar hapur për një periudhë të vështirë të jetës së saj, kur gjithçka që mendonte ishte si të peshojë sa më pak.
Këngëtarja 28-vjeçare – e cila bëri rikthimin e saj në skenën muzikore me një performancë të fshehtë në Glastonbury këtë vit – foli në një intervistë të sinqertë me Jack Saunders në Radio 1 të hënën, shkruan Daily Mail, përcjell Katror.info.
Ajo tregoi se në fillim të vitit 2023 po kalonte një gjendje të rënduar mendore dhe nuk ishte në gjendje të fokusohej në ndonjë proces krijues apo të bënte muzikë.
Mundesh me e lexu edhe...
Gjatë paraqitjes në Glastonbury, ajo kishte thënë në skenë se kishte menduar që “nuk do të bënte më kurrë muzikë” – një koment që Jack e kërkoi të sqarohej gjatë intervistës.
Artistja nga Zelanda e Re shpjegoi:
Në fillim të vitit 2023 nuk isha mirë në shumë aspekte dhe nuk isha ndjerë kurrë më larg kreativitetit tim. Mendoja se nuk kisha më asgjë për të ofruar dhe nuk më vinte asnjë ide prej kohësh. Ishte një periudhë kur përpiqesha të peshoja sa më pak, shkoja në gjumë duke menduar për ushqimin dhe peshën, dhe zgjohesha me mendjen tek ushqimi dhe ushtrimet. Kjo ishte forma e vetme e ndjekjes kreative që po kisha. Aty po shkonin të gjitha gjërat, dhe në atë kohë e kuptova që duhet ta ndal këtë sjellje sepse po më bllokonte tërësisht krijimtarinë. Sapo kjo gjendje u zhduk, gjithçka nisi të rikthehej!”
Kjo deklaratë vjen pasi Lorde befasoi fansat e saj gjatë një feste për publikimin e albumit të saj të ri në Berlin të mërkurën e kaluar, ku performoi për një grup të vogël të ftuarish me fat.
Ngjarja, e organizuar nga Universal Music, u mbajt për të festuar daljen e albumit të saj të ri “Virgin”, me fansat që nuk kishin dijeni paraprakisht se ajo do të performonte personalisht.
Ajo publikoi imazhin në Instagram, ku njëkohësisht njoftoi edhe titullin e albumit të saj të katërt në studio, si dhe datën e lansimit: 27 qershor. /Katror.info
Përgatiti:
