Komua e Kaçanikut njofton se se pas trajnimit të stafit shëndetësor, qytetarët tani mamografinë mund ta bëjnë në Qendren Kryesore të Mjeksisë Familjare të komunës.
Terminet janë të domosdoshme te mjeku dhe mamografinë mund ta realizojnë çdo ditë pune nga e hëna deri të premten.
Mamografia është procedurë diagnostike e cila shërben për diagnostikimin e kancerit të gjirit.
Mundesh me e lexu edhe...
Kjo procedurë diagnostike mund të zbulojë kancerin e gjirit përpara se të shkaktojë shenja dhe simptome.Kanceri i gjirit është problem global shëndetësor.
Mamografia preferohet të bëhet mbi moshën 35 vjeçare është procedura më e zakonshme e ekzaminimit e cila nuk është e dëmshme, sepse pajisjet e gjeneratës së re lëshojnë rrezatim minimal.
Me këtë rast, nënkryetari i Komunës së Kaçanikut tha se pas nënshkrimit të marrëveshjes së përbashkët mes Komunës së Kaçanikut me Islamic Relief në vlerë 100 mijë euro, u financua aparati i mamografisë për Qendrën Kryesore të Mjekësisë Familjare në Kaçanik, shkruan RTK. Ky aparat do të jetë pronë e QKMF-së, në shërbim të pacientëve tanë.
“Qytetarët e komunës sonë do ta kenë më afër të kryejnë shërbimet e nevojshme që ofrohen nga ky aparat mjekësorë, duke kursyer kohë dhe mjetë financiare. Gjithmonë në shërbim të qytetarëve për nevojat e tyre“. njofton Komuna./Katror.info
