Juventusi duke se është futur fuqishëm në garë për transferimin e mesfushorit të Bayer Leverkusenit, Granit Xhaka.
Mediat italiane kanë zbuluar detaje të reja rreth negociatave, përfshirë çmimin e kërkuar nga klubi gjerman dhe kushtet personale të marrëveshjes së mundshme.
Ish-kapiteni i Arsenalit, me 225 paraqitje në Premier League dhe 174 në Bundesligë, ka qenë më herët në ‘radarët’ e Milanit.
Mundesh me e lexu edhe…
Megjithatë, siç raportojnë “Tuttosport” dhe “La Gazzetta dello Sport”, është Juventusi që tani shihet si kandidati më serioz për të firmosur me përfaqësuesin e Zvicrës me origjinë shqiptare.
Xhaka, i cili tashmë është 32 vjeç, konsiderohet një përforcim me peshë për “Zonjën e Vjetër”, falë përvojës së tij të madhe dhe qëndrueshmërisë në fushë. Ai ka qenë një titullar i palëkundur te Leverkuseni në dy sezonet e fundit, duke mos munguar në më shumë se një ndeshje radhazi që prej vitit 2021.
Për më tepër, çmimi i vendosur nga Bayer Leverkusen për kartonin e tij është rreth 15 milionë euro, shumë më i ulët krahasuar me alternativat e tjera që Juventusi ka vlerësuar si Morten Hjulmand apo Florentino Luis, të cilët vlerësohen nga klubet në mbi 40 milionë euro.
Siç raportohet, torinezët synojnë të negociojë edhe më tej këtë shifër, duke shpresuar ta ulë në 12 milionë euro. Edhe kërkesat për pagë nga ana e Xhakës nuk konsiderohen problem për klubin torinez, që është i vendosur ta mbyllë marrëveshjen sa më shpejt, shkruan RTK.
Transferimi i Xhakës do t’i sillte mesfushës së Juventusit një lider me eksperiencë ndërkombëtare dhe një profil të kompletuar teknikisht e taktikisht, i cili mund të bëjë diferencën në sezonin e ardhshëm./Katror.info
