FIFA ka publikuar ranglistën e re të ekipeve kombëtare për korrik.
Kombëtarja e Kosovës ka shënuar përparim në këtë renditje, duke u ngritur për dy pozita pas paraqitjeve të mira në ndeshjet e qershorit.
Dardanët zhvilluan dy ndeshje miqësore në stadiumin “Fadil Vokrri” në Prishtinë, ku mposhtën Armeninë me rezultat 5-2 dhe më pas Komoret me rezultat 4-2.
Mundesh me e lexu edhe…
Si rezultat i këtyre fitoreve, Kosova është ngritur nga pozita e 97-të në atë të 95-të, që njëherazi përfaqëson renditjen më të lartë në historinë e saj që prej pranimit në FIFA dhe UEFA në vitin 2016.
Kurse, kombëtarja e Shqipërisë ka pësuar rënie në renditje, duke humbur dy pozita.
Kuqezinjtë barazuan 0-0 me Serbinë dhe 1-1 me Letoninë në dy miqësore të luajtura në qershor, rezultatet e të cilave ndikuan negativisht në pikët e grumbulluara. Shqipëria ka rënë nga pozita e 66-të në atë të 68-të në renditjen më të fundit të FIFA-s./Katror.info
