Një ngjarje madhore për basketbollin e femrave në Evropë përfundoi me sukses në Pejë, ku u mbajt FIBA U16 Women’s EuroBasket – Divizioni C, nga data 8 deri më 13 korrik.
Turneu përfshiu tetë kombëtare, të cilat garuan për titullin e kampiones në një atmosferë të jashtëzakonshme sportive dhe mikpritëse, raporton Katror.info.
Pas pesë ditësh të mbushura me ndeshje intensive dhe përballje emocionuese, ishte Qipro ajo që ngriti trofeun në fund të turneut, duke u shpallur kampione e Evropës në Divizionin C për U16 – femra.
Mundesh me e lexu edhe…
Ceremonia përmbyllëse u zhvillua në një ambient festiv, ku Federata e Basketbollit e Kosovës (FBK) dhe përfaqësues të FIBA-s ndanë çmime dhe mirënjohje për skuadrat pjesëmarrëse dhe organizatorët.
Federata e Basketbollit e Kosovës u tregua një organizatore shembullore, duke përmbushur standardet ndërkombëtare në organizimin e këtij kampionati. Peja, si qytet pritës, ofroi infrastrukturë të shkëlqyer dhe një publik të zjarrtë që përkrahu basketbollin e vajzave në çdo ndeshje.
Ky kampionat ishte jo vetëm një mundësi për të promovuar sportin e femrave, por edhe për të ngritur imazhin e Kosovës si destinacion i denjë për ngjarje sportive ndërkombëtare./Katror.info
