Pas Dritës, Prishtina dhe Malisheva rikthehen sonte në aksion në garat evropiane.
FC Prishtina do të kërkojë mrekulli në stadiumin “Fadil Vokrri”, ku pret FC Sheriff në ndeshjen kthyese të raundit të parë kualifikues në Europa League.
Pas humbjes së thellë 4-0 në përballjen e parë në Tiraspol, prishtinasit përballen me një mision tejet të vështirë për të përmbysur rezultatin dhe për të ruajtur shpresat evropiane.
Mundesh me e lexu edhe…
Edhe pse gjasat për kualifikim janë minimale, skuadra është zotuar të japë maksimumin dhe të mbyllë me dinjitet paraqitjen në Europa League, ligë kjo e dyta për nga rëndësia në Evropë.
FC Sheriff, me përvojën e saj të gjatë në garat evropiane, vjen në Prishtinë me një avantazh të madh dhe synon ta menaxhojë rezultatin pa ndonjë rrezik. Moldavët janë favoritë të qartë për të kaluar në raundin tjetër, megjithatë, Prishtina do të kërkojë të shënojë fitore në një duel aspak të lehtë.
Ndeshja mes Prishtinës dhe Sheriff fillon në orën 20:00.
Ndërkaq, FC Malisheva do të luajë në udhëtim ndeshjen më të rëndësishme të sezonit, teksa përballet me Vikingur Reykjavik në duelin kthyese të raundit të parë kualifikues në UEFA Europa Conference League.
Pasi humbjes në takimin e parë në “Fadil Vokrri” me rezultat 0-1, skuadra kosovare ka udhëtuar në Islandë me misionin e qartë për të përmbysur rezultatin dhe për të vazhduar aventurën evropiane.
Pavarësisht humbjes minimale në shtëpi, Malisheva tregoi karakter dhe ka besim se me një paraqitje të disiplinuar dhe të vendosur mund të bëjë befasinë në Reykjavik, shkruan RTK. Skuadra është përgatitur maksimalisht dhe ka udhëtuar me formacionin më të mirë të mundshëm.
Nga ana tjetër, Víkingur vjen në këtë takim me avantazhin e fitores në sfidën e parë dhe me synimin për ta konfirmuar kualifikimin para tifozëve të vet.
Megjithatë, islandezët janë të vetëdijshëm se përballë kanë një kundërshtar të vendosur, që do të luftojë deri në fund.
Dueli mes Víkingur dhe Malishevës nis në orën 20:45./Katror.info
