Më 18 korrik 2025 është mbajtur ceremonia hapëse e Olimpiadës Ndërkombëtare të Fizikës (IPhO), e cila këtë vit zhvillohet në Paris të Francës. Në këtë garë marrin pjesë edhe katër nxënës nga Kosova, shkruan Katror.info.
Ekipi i përbërë nga Amela Elezi, Dalmat Selimi, Drin Zeka dhe Endi Ymeri do ta përfaqësojë vendin në këtë ngjarje ndërkombëtare. Udhëheqës i ekipit është prof. dr. Sefer Avdiaj nga Departamenti i Fizikës.
Pjesëmarrja e Kosovës është bërë e mundur përmes mbështetjes financiare të disa institucioneve. NERA Group ka mbuluar akomodimin dhe qëndrimin e ekipit në Francë, si dhe ka ndihmuar SHKF-në me një shumë mujore përgjatë vitit. Instituti i Shkencës, Teknologjisë, Inxhinierisë dhe Matematikës ka mbuluar shpenzimet e udhëtimit, ndërsa New York School of Science in Kosova ka mbështetur trajnimet gjashtëmujore të ekipit nën udhëheqjen e MSc. Astrit Sadiku.
Mundesh me e lexu edhe…
SHKF ka ftuar organizata dhe individë të kontribuojnë në mbështetjen e aktiviteteve të saj përmes donacioneve apo anëtarësimeve. Informacione shtesë gjenden në faqen zyrtare të SHKF: https://shkf-ks.org
Ceremonia hapëse e IPhO 2025 mund të shikohet në linkun:
https://www.youtube.com/watch?v=5FjpEGautjo
/Katror.info
