Pas valës së të nxehtit që përfshiu vendin gjatë javës të fundit, kjo javë sjell një ndryshim të ndjeshëm në mot. Sipas Institutit Hidrometeorologjik të Kosovës (IHMK), kjo periudhë do të karakterizohet nga moti më i paqëndrueshëm, me vranësira të shpeshta, intervale me diell, si dhe reshje shiu të shoqëruara me shkarkime rrufesh.
Temperaturat maksimale do të bien ndjeshëm, duke mos kaluar 31 gradë Celsius, ndërsa minimalet do të sillen ndërmjet 13 dhe 18 gradë.
Era do të fryjë kryesisht nga veriperëndimi, e lehtë deri lokalisht e fortë. Indeksi UV mbetet i lartë, por më i ulët krahasuar me javën e kaluar.
Mundesh me e lexu edhe...
Të hënën moti do të jetë kryesisht i vranët, me intervale të shkurtra me diell. Priten reshje shiu dhe shkarkime rrufesh. Temperaturat minimale do te jenë 15 deri18°C, ndërsa ato maksimale 27 deri 31 gradë Celsius.
Të martën moti do të jetë kryesisht me diell dhe vranësira të shpërndara. Në disa zona priten riga lokale shiu. Temperaturat minimale do te jenë prej 14 deri në17 gradë Celsius, ndërsa ato maksimale 25 deri 28 gradë Celsius.
E mërkura vazhdon me mot me diell dhe vranësira të lehta, pa reshje të theksuara. Temperaturat minimale prej 13deri më 17 gradë, ndërsa maksimalet 24 deri 27 gradë.
Të enjten moti do të mbajë paradite me diell, ndërsa pasdite vranësirat pritet të shtohen me riga të mundshme shiu. Temperatura minimale prej 14 deri16 gradë, kurse |maksimalja 25deri 27 gradë.
Ndërsa të premten moti mbetet i ndryshueshëm me intervale dielli dhe vranësira që lokalisht mund të sjellin reshje të dobëta. Temperaturat minimale do të sillen prej 13deri 15 gradë e maksimalet prej 25 deri 27 gradë./Katror.info
