Pas dy vonesave, misioni Crew 11 është nisur. Raketa Falcon 9 u lançua nga Qendra Hapësinore Kennedy në bordin e anijes kozmike Crew Dragon Endeavour, duke startuar fluturimin e saj të gjashtë. Katër astronautë janë në bord, të drejtuar për në Stacionin Hapësinor Ndërkombëtar, percjell TAR.
Ata janë amerikania Zena Cardman, njëherazi komandante, piloti Mike Fincke, i cili fluturon për herë të katërt në hapësirë; astronauti rus Oleg Platonov dhe ai japonez Kimiya Yui, për të cilin ky është fluturimi i dytë në ISS.
Katër astronautët e Crew Dragon-it do të priten në ISS nga shtatë kolegët e Ekspeditës 73, të udhëhequr nga japonezi Takuya Onishi, amerikanët Anne McClain, Nichole Ayers e Jonny Kim, si dhe tre rusët Kirill Peskov, Sergey Ryzhikov e Alexey Zubritsky.
Mundesh me e lexu edhe…
Kujtojmë se Ekspedita 73 filloi më 19 prill të këtij viti e pritet të përfundojë në muajin nëntor. Të sapoardhurit do të kryejnë disa eksperimente, njëri prej të cilëve lidhet me studimin e efektit të mungesës së peshës në zhvillimin e qelizave staminale.
Por mbi të gjitha, ata do të jenë përgjegjës për verifikimin e gjendjes së kapsulës Crew Dragon Endeavour pas fluturimit të saj të gjashtë. Kapsula SpaceX është e certifikuar për pesë fluturime dhe për fluturimin e saj të gjashtë, Endeavour u modifikua për një jetëgjatësi më të gjatë operacionale. /Katror.info
Përgatiti:
