Fondi i Kosovës për Efiçiencë të Energjisë (FKEE) do të përurorojë sot masat e zbatuara të efiçiencës së energjisë në ndërtesat sociale në Prishtinë, përkatësisht në objektet MAB tek Medreseja dhe MAB në Hajvali.
Në këtë aktivitet do të marrin pjesë kryeministri në detyrë i Republikës së Kosovës, Albin Kurti, dhe ministrja në detyrë e Ekonomisë, Artane Rizvanolli.
Ky projekt ka për qëllim përmirësimin e kushteve të jetesës për banorët e këtyre objekteve përmes zbatimit të masave që reduktojnë konsumin e energjisë dhe përmirësojnë efiçiencën termike, si pjesë e përkushtimit të institucioneve për zhvillim të qëndrueshëm dhe efikas energjetik./RTK/Katror.info
