Biblioteka e Arteve Bashkëkohore, pjesë e Bibliotekës Kombëtare të Kosovës, ka përfunduar me sukses procesin e evidentimit, klasifikimit dhe organizimit të koleksionit të saj të pasur të artit bashkëkohor.
Puna është realizuar nga një grup i dedikuar bibliotekarësh dhe studiuesish, të cilët kanë sistemuar materiale të vlefshme që përfshijnë libra tematikë, monografi për artistë vendorë e ndërkombëtarë, katalogje ekspozitash, CD e DVD me dokumentarë e performanca artistike, pllaka vinili me regjistrime arkivore audio eksperimentale, revista dhe botime periodike për zhvillimet bashkëkohore në art, si dhe kaseta manjetofoni.
Ky koleksion unik është tashmë i hapur për studiues, artistë, studentë dhe publikun e gjerë, duke ofruar një burim të rëndësishëm për hulumtime dhe duke kontribuar në ruajtjen e trashëgimisë kulturore bashkëkohore./Katror.info
