Fondi i Kosovës për Efiçiencë të Energjisë (FKEE) ka njoftuar se në tremujorin e fundit të këtij viti do të hapë thirrjen publike për investime në masa të efiçiencës së energjisë në deri 400 ndërtesa publike në të gjithë Kosovën. Ky është projekti më i madh i këtij lloji që do të realizohet në vend, në bashkëpunim me Ministrinë e Ekonomisë, Ministrinë e Financave, Punës dhe Transfereve dhe Bankën Evropiane për Rindërtim dhe Zhvillim (BERZH).
Por jo të gjitha komunat do të jenë të kualifikuara për të aplikuar. FKEE ka bërë thirrje që komunat që nuk kanë raportuar stokun e ndërtesave publike ta bëjnë këtë deri më 25 gusht 2025, ndërsa ato që kanë borxhe aktive ndaj fondit duhet t’i likuidojnë ato deri në muajin shtator 2025. Sipas FKEE-së, vetëm institucionet që plotësojnë këto kushte do të kenë të drejtë të aplikojnë në thirrjen publike.
Komunat që nuk kanë dorëzuar ende raportet janë: Novobërda, Ranillugu, Fushë Kosova, Dragashi, Shtërpca, Kllokoti, Zubin Potoku, Zveçani, Leposaviqi dhe Mitrovica e Veriut. Ndërkaq, borxhet aktive lidhen me kthimet e rregullta të investimeve nga projektet e kaluara, pagesat e tarifave dhe bashkëfinancimin për ndërtesat sociale.
Mundesh me e lexu edhe…
Institucionet e interesuara mund të kontaktojnë FKEE-në për më shumë detaje në [email protected]
/Katror.info
