Angelina Jolie nuk është duke përgatitur asnjë libër rrëfimi për jetën e saj personale, pavarësisht raportimeve të fundit që pretenduan të kundërtën. Një burim për revistën People ka theksuar se “nuk ka asnjë të vërtetë në këtë” dhe se aktorja fituese e çmimit Oscar “nuk do ta bënte kurrë një gjë të tillë.”
Pretendimet lidhnin projektin e supozuar me betejat ligjore të saj ndaj ish-bashkëshortit Brad Pitt. Çifti, që ndau 12 vite së bashku dhe u martua për dy vite, u nda në vitin 2016 dhe finalizoi divorcin në dhjetor 2024. Jolie dhe Pitt kanë gjashtë fëmijë: Maddox, Pax, Zahara, Shiloh dhe binjakët Vivienne e Knox.
Megjithëse martesa ka marrë fund, beteja për pronësinë e verarisë franceze Château Miraval vazhdon. Më 30 qershor, Pitt dorëzoi dokumente gjyqësore duke kërkuar komunikime private nga Jolie dhe një dëshmi nga Alexey Oliynik, drejtues i Stoli Group, lidhur me shitjen e aksioneve të saj në vitin 2021. Kjo lëvizje erdhi pas padisë së tij të vitit 2022, ku akuzonte Jolien për shkelje të marrëveshjes që ndalonte shitjen pa aprovimin e tij. Jolie u kundërpërgjigj me një padi në shtator të atij viti, duke e akuzuar Pittin se po “udhëhiqte një luftë hakmarrëse” ndaj saj.
Mundesh me e lexu edhe…
Në planin profesional, të dy aktorët mbeten aktivë. Pitt shënoi suksesin më të madh të karrierës me dramën sportive F1 dhe aktualisht po xhiron një vazhdim të Once Upon a Time in Hollywood nën regjinë e David Fincher.
Ndërkohë, Jolie do të prezantojë filmin Couture në Festivalin Ndërkombëtar të Filmit në Toronto këtë shtator dhe po rikthehet në zhanrin aksion-thriller me një projekt të ri të regjisorit Doug Liman, i njohur për Mr. and Mrs. Smith./Albanian Post/Katror.info
