Kino Armata, një hapësirë kulturore e pavarur në Prishtinë, ka shpallur nevojën urgjente për mbështetje materiale për të mbajtur dyert e saj të hapura. Që nga fundi i vitit 2024, Armata po përballet me pasiguri të madhe financiare dhe pasiguri ligjore në lidhje me pronësinë e saj.
Megjithatë, Fondacioni Armata dhe mbështetësit e tij të rinj dhe të vjetër kanë vazhduar të mbajnë hapësirën autonome, të bazuar në komunitet dhe aktive duke u angazhuar me programet e Armatas dhe duke ndarë përvojat dhe perspektivat e tyre përmes pyetësorëve, diskutimeve dhe programit reflektues më herët gjatë këtij viti.
Megjithatë, e ardhmja financiare e Armatas mbetet veçanërisht e pasigurt. Prandaj, ata kanë nevojë urgjente për mbështetje materiale për të mbajtur hapësirën të hapur. Për ta bërë këtë, ata duhet të jenë në gjendje të përballojnë shërbimet që nuk mund të negociohen, si interneti, mirëmbajtja dhe ngrohja gjatë muajve të dimrit, dhe ndërkohë të nderojnë punën e atyre që kanë investuar kohën, kujdesin dhe ekspertizën e tyre në hapësirë.
Mundesh me e lexu edhe…
Për të ndihmuar Armatan të mbajë dyert e saj të hapura, ata kërkojnë që ky apel të shpërndahet sa më gjerësisht të jetë e mundur dhe të merren në konsideratë dhuratat përmes profilit të tyre në Open Collective.
E ndërtuar në vitin 1970 si një teatër publik dhe qendër kulturore, sot i përket qytetarëve të Prishtinës. Me një program dinamik të koncerteve dhe të shfaqjes së flimave, Kino ARMATA i jep jetë komunitetit artistik të kryeqytetit.
Historia e kinemasë është emblemë e zhvillimeve të jashtëzakonshme që kanë ndodhur në kryeqytet në dekadat e fundit. Kjo ndërtesë u ndërtua fillimisht për Ushtrinë Jugosllave, e cila e përdori këtë hapësirë për qëllime propagandistike ndërkaq shfaqeshin dhe filma perëndimorë të zhanrit aksion.
Prej 1988 e deri në nisje të Luftës së Kosovës, Kinemaja – e njohur atëherë si Shtëpia e Armatës Popullore Jugosllave – limitoi aksesin në programin e tij duke përcjellë përmbajtje që i qaseshin interesave të pushtetit, studentëve serbë dhe grupeve të interesit. Në të njëjtjën kohë shqiptarë të Kosovës morën nismat e tyre për të bojkotuar instancat e kontrolluara prej serbëve. Prej fundit të Luftës së Kosovës e deri në vitin 2017, nuk pati qasje në kinema sepse ishte pjesë e ndërtesës ku operonte administata e Kombeve e Bashkuara (UN).
Pasi UN u zhvendos brenda ndërtesës në periferi të Prishtinës, u renovuan dritat dhe u rikonceptua identiteti i Kino ARMATËS para se të hapte dyert. Tanimë çdo javë ky vend mban konferenca, festivale, dhe shfaqje filmash, evente të cilat i frekuenton një publik i gjërë./Katror.info
