Gjenerata e tretë e kufjeve AirPods Pro mund të dalë tashmë këtë vjeshtë, me një përmirësim të rëndësishëm. Apple pritet që këtë vjeshtë të prezantojë gjeneratën e tretë të kufjeve të saj më të njohura pa tela; AirPods Pro 3 dhe risia kryesore pritet të jetë sensori për matjen e rrahjeve të zemrës. Sipas analistit të Bloomberg, Mark Gurman, modeli i ri pritet të sjellë edhe një çip më të avancuar për tingullin (H3), funksion më të mirë për anulimin e zhurmës, si dhe një dizajn të ri me kuti më të hollë dhe buton kapacitiv për çiftim.
Në versionin beta të iOS 26 tashmë janë zbuluar referenca për “AirPods Pro 3”, gjë që përforcon edhe më shumë se prezantimi është afër, ndoshta bashkë me daljen e iPhone 17 në shtator. Përveç sensorit për rrahjet e zemrës, përmendet edhe mundësia për matjen e temperaturës së trupit, si dhe mbështetje për përkthim të drejtpërdrejtë gjatë bisedave. Megjithatë, disa analistë paralajmërojnë se, për shkak të sfidave në prodhim, Apple mund ta shtyjë lançimin për në vitin 2026, përcjell TAR.
Kompania britanike, Nothing ka prezantuar modelin e parë të kufjeve, të quajtura Headphone (1). Ky model i ri vjen me një dizajn të veçantë dhe karakteristika të avancuara teknologjike. Headphone kanë një dizajn të veçantë, me një trup të përbërë nga materiale të cilësisë së lartë. Këto kufje janë të dizajnuara për të ofruar një përvojë të shkëlqyer dëgjimi dhe komoditet gjatë përdorimit të gjatë.
Mundesh me e lexu edhe…
Thuhet se Apple po zhvillon në mënyrë aktive një version të kufjeve AirPods me një kamerë të integruar. Analisti Mark Gurman pretendon në raportin e tij të fundit se Apple është duke punuar në një version AirPods, që do të ketë kamera të integruara. Sipas njohurive të tij, teknologjia e lartpërmendur me shumë mundësi nuk do të shfaqet në kufjet AirPods Pro 3 dhe qëllimi i teknologjisë është që kufjet të kuptojnë më mirë mjedisin e përdoruesit. Me këtë integrim në AirPods, përdoruesi mund të pyesë Siri-n për rrethinën e tij, pa pasur nevojë të nxjerrë iPhone nga xhepi. /Katror.info
