Prej 23 korrikut kur Komisioni Qendror i Zgjedhjeve hapi aplikimin për regjistrimin e votuesve jashtë vendit deri sot në orën 09:00 të paradites, KQZ-ja thotë se ka pranuar 44 mijë 707 aplikime, prej të cilave tregojnë se janë aprovuar 36 mijë se 299, ndërkaq janë refuzuar 7 mijë e 945.
“Komunat me numrin më të madh të votuesve të regjistruar nga jashtë Kosovës, nga mbi 2 mijë janë: Suhareka (2,759), Gjakova (2,697), Deçani (2,078) dhe Klina (2,009)”. “Gjermania me 17,131 dhe Zvicra me 8,862 janë shtetet me numrin më të madh të votuesve të regjistruar për votim me postë nga jashtë Kosovës”, ka thënë për RTKlive, Valmir Elezi, zëdhënëss i KQZ-së, shkruan RTK.
A tutje ka treguar arsyet e refuzimit të aplikimeve.
Mundesh me e lexu edhe…
“Në shumicën e rasteve të refuzuara, aplikuesit nuk kanë paraqitur njërin nga dokumentet që dëshmon adresën e tij jashtë Kosovës (dokument identifikues në të cilin është e shënuar adresa e banimit, vërtetim i adresës nga autoriteti lokal, kontratë të qirasë, faturë shërbimesh, dokument i lëshuar nga banka apo kompania e sigurimit, dokument që dëshmon adresën e personit tek i cili qëndrojnë përkohësisht, dëshmi tjetër banimi për rastet specifike (rezervim hoteli, konvikti, etj.”, ka sqaruar Elezi. /Katror.info
