“Ka nisur si hobi dhe tani më është bërë profesion, e dikur stil jete. Kam nisur kur nuk ka pasur as trepikësh, as semaforë, as kosh me faul. Kam vazhduar në ligat e një shteti që sot as nuk ekziston, dhe në ligat e një shteti që po e themelonim vetë, pa ditur kur ajo ëndërr do të realizohej. Kam luajtur në beton, në sallat e sporteve, në palestrat e shkollave fillore, kam transmetuar Ligën e Kosovës nga sallat e ftohta me telefon statik për radio. Kam transmetuar NBA-n dhe Lojërat Olimpike,” – rrëfen Blerim Vuniqi, ish-basketbollist dhe gazetar sportiv me përvojë të gjatë në Kosovë, në episodin e katërt të dokumentarit “4 Çerekët”.
Në këtë episod, veçanërisht ndriçohet momenti historik i pranimit të Kosovës në FIBA. Erolld Belegu kujton emocionet e asaj dite:
“Takimi, nëse nuk gaboj. Na thanë se kësaj here nuk ka nevojë të bindim më FIBA-n – ishte vetëm çështje procedurale. Nga ora nëntë e mbrëmjes isha i dëshpëruar, pritëm me orë të tëra pa asnjë lajm. Në fund, sapo e parkova makinën para shtëpisë, erdhi telefonata: ‘Jemi pranuar!’ Nga ajo çast gëzimi shpërtheu. Nuk shkova në shtëpi – përfundova direkt në studio televizive.”
Mundesh me e lexu edhe…
Edhe Arben Fetahu e cilëson atë ditë si një pikë kthese:
“Ishte një moment ngazëllyes, një moment që e ndryshoi dinamikën e gjithçkaje brenda Federatës së Basketbollit të Kosovës.”
Dokumentari “4 Çerekët”, i autorit dhe producentit Leart Hoxha, me intervista të realizuara nga Blerim Vuniqi, është prodhim i Katror Media dhe mbështetet nga Ministria e Kulturës, Rinisë dhe Sportit.
👉 Episodin e katër mund ta ndiqni këtu:
