3 mund të duket pak si numër por në këto 3 vjet të jetës së Katror Media janë mbi 1 mijë ditë me mbi 15 mijë orë pune për mua, Albanën dhe #katroristat…
Personalisht jam adhurues i numrave dhe shkencës së statistikave ama në mediumin tonë nuk jam bo rob i numrave… rëndësi i kam dhan’ besueshmërisë, gazetarisë konstruktive dhe profesionale, fakteve dhe impaktit tek lexuesit tanë.
E qysh ma mirë kish me u shpjegu kjo se sa kur marrim çdo ditë feedback nga të gjithë ju lexuesit dhe shikuesit tanë, duke na vlerësuar e duke na dhan’ përkrahje për punën tutje… ama edhe me numra nuk qëndrojmë keq:
Mundesh me e lexu edhe...
Nga super ekipi i Katror Media ose qysh i quaj unë #katroristat janë mbi 40 mijë artikuj të gazetarisë konstruktive të publikuar deri sot në www.katror.info, me dy çmime të rëndësishme të fituara, mbi 2 mijë video të publikuara gjithandej në platformat online të Katror Media dhe më shumë se 500 orë transmetime të drejtpërdrejta – të gjitha në frymën konstruktive dhe promovuese të njerëzve tanë të suksesshëm dhe vendit tonë.
E në vetem tri vjet pune ju kemi afër vetes juve lexuesit dhe shikuesit besnikë që çdo ditë shtoheni e që unë e di që prisni prej neve vetëm një gjë: mos me e lëshu dorën, por me bo punën profesionalisht! Unë edhe sot me krenari po ju them të gjithëve
Na ndryshe nuk kemi ditë me punu këto 25 vjet që jemi në media, perveç në frymën e etikës profesionale”.
E kështu gjatë kësaj periudhe 3 vjeçare me #Katrorin jemi mundu me lanë një shenjë të mirë për vendin tonë, duke i kontribuar sadopak demokracisë së brishtë, të drejtave të njeriut, pluralizmit medial, aktivizmit qytetar, sportit, kulturës e rinisë, çështjeve mjedisore, bashkjetesës ndërmjet komuniteteve e barazisë gjinore. Është numri i madh i bashkëpunimeve dhe mbështetjes nga Institucione dhe organizata, kompani e korporata prestigjioze vendore dhe ndërkombëtare në #KatrorMedia keto #3vjet. E këtu po i përmend vetëm disa për ta vërtetuar impaktin e krijuar për shumë pak kohë: Kush do ta kishte menduar që Katror Media do ta ketë afër vetës si përkrahës Zyrën e Bashkimit Evropian në Kosovë, The European Endowment for Democracy (EED) në Bruksel, Europe House në Prishtinë, GIZ-in gjerman, Ministrinë e Kulturës, Rinisë dhe Sportit, Luxembourg Agency for Development Cooperation (LuxDev) e të tjera bashkëpunime e mbështetje nga të gjitha organizatat kredibile që veprojnë në vendin tonë.
Pra miq unë sot lirisht mund të krenohem e ballëhapur mund ta them: ia kemi dalë bashkë e punë të mëdha na presin para. Unë nuk kisha mujt me u gëzu kaq shumë sot nëse nuk e kisha pas tan’ kohën mbështetjen kryesore për me mbrri sukses me Katrorin nga ju audienca dhe përkrahësit e gazetarisë konstruktive. Por, mbi të gjitha pa përkrahjen nga një grua dhe një vajzë që janë Albana dhe Lyra, familja ime, ekipit tim e tash edhe me djalin Diellin që do ta shtojë edhe më shumë energjinë për punën dhe të mirën!
- Thonë që e mira është ngjitëse e puna jonë e ka nje emër e ajo është një Kosovë ma e mirë për femijët tanë!
NJË KOSOVË ME MË SHUMË LAJME TË MIRA!
Falëminderit që jeni bashkë me ne!
Për dekadat që do të vijnë, Gëzuar! 🥂
#katrormedia #veclajmetemira #skamunal
