Regjisori dhe skenaristi shqiptar Neritan Zinxhiria ka rrëmbyer sërish çmimin më të lartë në Festivalin e 48-të Ndërkombëtar të Filmit të Shkurtër të Dramës (DISFF) në Greqi, me filmin e tij të fundit “NOI” (Bota Jonë).
Ky është Dionisi i Artë i dytë për Zinxhirian, pas fitores në vitin 2012 me “Kamomil”.
Filmi “NOI” flet për komunitetin vllah në Meçovë dhe trajton marrëdhënien e njeriut me natyrën dhe kafshët – në veçanti me kuajt, të cilët në këtë botë kthehen në reflektim të ndjeshmërisë njerëzore.
Mundesh me e lexu edhe…
Filmi është xhiruar me banorë të komunitetit vendas dhe frymëzohet nga ëndrra, kujtesa kolektive dhe tradita gojore.
Përveç çmimit prestigjioz, “NOI” siguron automatikisht një vend në listën e nominimeve për Oscar në kategorinë “Filmi më i Mirë i Shkurtër”, si dhe një shpërblim prej 10 mijë euro, i ofruar nga Finos Film dhe televizioni kombëtar grek ERT.
Festivali përfshiu 146 filma nga 49 vende./Albanian Post/Katror.info.
