Të enjten luhen ndeshjet e xhiros së gjashtë të Superligës së Kosovës në futboll.
Ballkani – Drita vlerësohet derbi i xhiros, ndërsa zhvillohet nga ora 15:00 në stadiumin e qytetit në Suharekë.
Drita është kampione në fuqi, e Ballkani nënkampion. Ballkani është ekipi i vetëm pa humbje këtë edicion. E mban vendin e tretë në tabelë me nëntë pikë.
Mundesh me e lexu edhe…
Ndërkohë Drita e ka nisur kampionatin shumë më zbehtë. Është vetëm e teta me pesë pikë.
Rivalitet pritet të ketë edhe në ndeshjet tjera.
Me shumë vëmendje pritet takimi mes Dukagjinit dhe Llapit. Dukagjini ka nisur furishëm dhe i ka 10 pikë në vendin e dytë, sa edhe Prishtina në të parin. Llapi, me gjithë synimet e mëdha, është ende pa fitore. Ka tri barazime e dy humbje dhe me tri pikë renditet i fundit.
Gjilani – Drenica dhe Malisheva – Ferizaj janë dy ndeshjet tjera të orës 15:00./KOHA/Katror.info
