Pas prezantimit të funksionit për përkthim live dhe praktikës gjuhësore me AI, Google Translate po ofron dy funksione të reja: “Fast” dhe “Advanced”.
Këto funksione shfaqen nën logon e Google Translate në krye të aplikacionit.
Opsioni “Advanced” është i parazgjedhur dhe ofron saktësi të lartë për përkthime komplekse, ndërsa opsioni “Fast” është më i përshtatshëm për përkthime të shpejta.
Mundesh me e lexu edhe…
Google njofton se “Advanced” mbështetet për përkthimin e tekstit vetëm në gjuhë të përzgjedhura.
Ende nuk dihet nëse kjo veçori do të jetë falas apo me pagesë, pasi ndërfaqja nuk jep ndonjë tregues për këtë. Ajo mund të lidhet me Google AI Pro, ashtu si zgjedhësit e tjerë të modeleve.
Ky funksionalitet është parë tashmë në disa pajisje iOS, por ende nuk është i qasshëm për Android.
Në gusht, Google theksoi se “modelet Gemini në Translate” kanë mundësuar përparime të mëdha në cilësinë e përkthimeve, përkthimin multimodal dhe aftësitë tekst-në-zë (TTS).
Ndërkohë, në fund të shtatorit, Google Translate për iOS mori widget-e për Control Center për Camera, Translate Text, Dictation dhe Conversation, duke iu bashkuar widget-eve ekzistuese të ekranit të kyçur. Gemini dhe Search janë aplikacionet e tjera të Google që ofrojnë shkurtore për Control Center. /AP/Katror.info
