Australia po prodhon aq shumë energji diellore sa qeveria ka vendosur ta dhurojë falas për qytetarët gjatë ditës, njoftoi këtë javë ministri i energjisë.
Sipas të dhënave zyrtare, rreth 4 milionë familje australiane – gati gjysma e shtëpive në vend – kanë tashmë panele diellore në çatitë e tyre, të cilat prodhojnë më shumë energji sesa termocentralet me qymyr. Shpesh, prodhimi është më i madh se kërkesa, shkruan Positive News, përcjell Katror.info.
Me planin e ri të quajtur “Solar Sharer”, kompanitë e energjisë do të detyrohen të ofrojnë energji elektrike falas për tre orë në mes të ditës. Kjo do t’u mundësojë qiramarrësve dhe banorëve të apartamenteve të përfitojnë nga revolucioni diellor, ndërkohë që dekurajon përdorimin e energjisë gjatë natës, kur prodhimi vjen kryesisht nga qymyri dhe gazi.
Mundesh me e lexu edhe…
Tim Buckley, drejtor i “Climate Energy Finance”, tha se ky plan “dobëson industrinë e qymyrit edhe më shpejt dhe e bën gazin më pak të rëndësishëm.”
Fillimisht, skema do të zbatohet në New South Wales, South Australia dhe Queensland Juglindore nga korriku 2026, ndërsa rajone të tjera do të përfshihen në vitin 2027.
“Duam që përfitimet e energjisë së rinovueshme të ndahen me të gjithë, edhe me ata që nuk kanë panele diellore,” tha ministri i energjisë Chris Bowen./Katror.info
