Ministri në detyrë i Shëndetësisë, Arben Vitia, ka njoftuar se pas shumë dekadash, Kosova po bëhet me një Depo Qendrore moderne të Barnave.
Sipas Vitisë, punimet për ndërtimin e depos kanë filluar në qershor të vitit 2025, ndërsa objekti, me një sipërfaqe prej 1,800 metra katrorë dhe një investim prej afro 2 milionë eurosh, do të ofrojë kushte bashkëkohore për ruajtjen e barnave. Ai ka shtuar se depoja pritet të funksionalizohet brenda këtij viti.
“Pas shumë dekadash, Kosova po bëhet me Depo Qendrore moderne të Barnave. Vazhdojmë me transformimet,” ka shkruar Vitia.
Mundesh me e lexu edhe...
Për këtë projekt ka reaguar edhe kryeministri në detyrë, Albin Kurti, i cili ka theksuar rëndësinë e këtij investimi për sistemin shëndetësor.
“Shumë shpejt do të funksionalizohet Depoja Qendrore e Barnave që i ka munguar vendit për më shumë se 20 vjet,” ka shkruar ai në Facebook./Katror.info
