Next Generation është një projekt kreativ që bashkon Shqipërinë dhe Kosovën, duke ofruar një hapësirë të përbashkët ku arti, kultura dhe idetë e brezit të ri takohen për të ndërtuar të ardhmen.
Ky hub kreativ synon të krijojë një terren ku zëri i të rinjve dëgjohet përtej kufijve, ku kultura dhe krijimtaria marrin formë të re dhe ku arti shërben si mjet dialogu. Tropoja, historikisht një pikë lidhjeje mes dy vendeve, këtë vit bëhet qendra e aktiviteteve të projektit.
Gjatë dy ditëve, krijues, artistë, muzikantë dhe dizajnerë nga Shqipëria dhe Kosova do të marrin pjesë në forume, punëtori, performanca, instalacione dhe ekspozita, duke ndarë ide dhe duke bashkëpunuar për projekte që shikojnë përpara.
Mundesh me e lexu edhe...
Ky projekt përpiqet të forcojë bashkëpunimin kulturor ndërmjet dy vendeve dhe të ndërtojë një model të ri të diplomacisë kulturore, ku energjia dhe kreativiteti i brezit të ri shërbejnë si ura lidhjeje.
Next Generation nis në Tropojë – aty ku kultura dhe arti bëhen mjet për dialog dhe bashkëpunim./Katror.info
