Departamenti i Punës Sociale, në bashkëpunim me VIVES University of Applied Sciences në Belgjikë, ka nisur një projekt trevjeçar mbi mirëqenien psiko-sociale të studentëve në universitet, i udhëhequr nga Prof. Ass. Dr. Njomza Llullaku. Projekti zhvillohet në kuadër të programit Erasmus+ KA171, Call 24.
Gjatë vizitës studimore në Belgjikë, 8 studentë nga Kosova punuan së bashku me 8 studentë belg për të analizuar nevojat, sfidat dhe mundësitë e ofrimit të shërbimeve që mbështesin mirëqenien psiko-sociale të studentëve. Studentët kosovarë kanë mbledhur dhe gjeneruar të dhëna mbi nevojat e studentëve, ndërsa kolegët e VIVES fokusohen në identifikimin e modeleve dhe praktikave më të mira për zbatimin e këtyre intervenimeve.
Gjatë vizitës së parë, studentët kosovarë prezantuan gjetjet paraprake dhe së bashku me studentët belg punuan për të identifikuar qasje inovative që mund të përmirësojnë mirëqenien psiko-sociale. Po ashtu, u realizuan vizita në organizata dhe institucione relevante në Belgjikë.
Mundesh me e lexu edhe...
Departamenti i Punës Sociale falënderon VIVES University of Applied Sciences për mikpritjen, bashkëpunimin dhe angazhimin e përbashkët në këtë projekt të rëndësishëm./Katror.info
