Këngëtarja shqiptare me famë botërore, Rita Ora, është befasuar së fundmi me prezencën e një bashkëkombësi në një radio në Skoci.
Këngëtarja ishte duke dhënë një intervistë në emisionin e mëngjesit në Capital FM të Skocisë, kur mësoi se një nga prezantuesit, i quajtur Fat, emri i plotë i së cilit është Fat Brestovci ishte gjithashtu shqiptar nga Kosova. Ai kishte një mënyrë të veçantë për t’i uruar mirëseardhjen – me një përshëndetje në gjuhën shqipe.
“Mirëngjesi Rita, mirë se erdhe në Capital Breakfast”, iu drejtua ai, ndërsa Rita, pa humbur asnjë moment, iu përgjigj me po aq ngrohtësi në shqip “Mirëmëngjesi”.
Mundesh me e lexu edhe…
E entuziazmuar nga kjo përvojë, Rita nuk ngurroi të shprehë çudinë dhe gëzimin e saj.
“Është vërtet një çmenduri, më treguan para se të vija. Nuk kam takuar kurrë në jetën time dikë që vjen nga vendi im dhe ka theks skocez. Kjo është e mrekullueshme”, tha këngëtarja në intervistën e saj.
Gjithashtu ajo ka zbuluar se cilat kanë qënë pritshmëritë e familjes së saj lidhur me temën e martesës, ku ajo u shpreh se “nuk ka pasur aspak presion, sepse e kuptojnë mënyrën se si funksionon puna dhe karriera ime”, ndërkaq shtoi me shaka se “ata janë të lumtur që tani jam një grua e martuar”, duke iu referuar martesës me Taikan./Katror.info
Përgatiti:
