Kështu na pritën fitueset e vendit të parë në tournametin e Volejbollit në rërë që u mbajt
për herë të parë në Fushë Kosovë.
”we love you Katror Media”, u shprehen vajzat.
Në një organizim perfekt që të jepte ndjesinë se je në bregdet, sportistë dhe aktivistë
nga Fushë Kosova me përkrahjen edhe të Drejtorisë për Kulturë, Rini dhe Sport të kësaj
komune si dhe bizneseve që veprojnë në këtë rajon, realizuan për herë të parë një garë
sa sportive në nivelet më të larta, aq edhe të bukur dhe atraktive për t’u parë.
10 ekipe te meshkujve dhe 8 te femrave me gjithsej 36 lojtarë profesionist, zhvilluan lojë
super të forta mes çifteve në të dy konkurrencat.
Mundesh me e lexu edhe...
Vetë sportistët e vlerësuan lart këtë nismë që synohet të jetë tradicionale ditëve të
nxehta të verës kur mendohet ikja nga sallat sportive për t’i dhënë rëndësinë sporteve
out-door apo në ambientet e jashtme.
Të lumtura u ndanë dy fitueset e trofeut në kategorinë e femrave Valmira Ramadani dhe
Loresa Avdyli.
Në kategorinë e meshkujve dolën fitues Erion Bajrami dhe Ermal Maliqi ata që tashmë
ia kanë marrë dorën fitoreve të këtij sporti veror.
Edhe garuesit e tjerë ndanë fjalët më të mira për organizatorët dhe vlerësuan se këso
garash ju duhen në rend të parë edhe këtyre sportistëvë profesionist në mënyrë që
forma profesionale të jetë gjatë gjithë vitit në nivele të larta.
E nga institucioni komunal si ndihmues i zhvillimit të kësaj ngjarje, nënkryetari Besnik
Osmani por edhe zyrtarë të drejtorisë për sport, shijuan garën dhe dhanë përkrahje për
sportistët. E në të njëjtën kohë Osmani na tregoi se cilat janë kategoritë që kjo komunë
synon të përkrahë për ta pasur një rini aktive.
Nga ana tjetër ideatorët e kësaj gare Agron Breznica nga drejtoria për sport si dhe
Burimi e Zijadini nga KV Fushe Kosova Volej dhe Shoqata e Pedagogëve të Kulturës
Fizike dhe Sportit, premtuan se një shfaqje sportive si kjo do ta shohim shpesh në
hapësirat e Fushë Kosovës.
Trofe e çmime në të holla morën tri vendet e para tek të dyja kategoritë.
Krejt çka mbetet të thuhet është që me pak ide dhe përkrahje një ngjarje e veçantë
sportive si kjo na bëri të gjithëve për orë të tëra të kënaqemi me dinamikën dhe lojën
perfekte të vajzave dhe djemve volejbollistë. /Katror.info
Përgatiti:
