Këshilli i Prindërve të Kosovës ka kërkuar që procesi mësimor të përfundojë të premten.
Kjo pasi që shumica e institucioneve publike arsimore nuk janë të pajisura me sistemin e klimatizimit dhe se procesi i vlerësimit tek nxënësit thuajse ka përfunduar, andaj edhe është kërkuar që të premten të përfundohet viti shkollor, transmeton Klankosova.tv.
Instituti Hidrometeorologjik i Kosovës, ka rekomanduar shkurtimin e orarit në institucione dhe shkolla të cilat nuk kanë kondicioner, për shkak të temperaturave të larta që po mbretërojnë këto ditë. Sipas IHMK-së, orët mësimore duhet të shkurtohen nga 45 minuta sa janë tani, në 30 minuta.
Mundesh me e lexu edhe...
Visar Islami, nënkryetar i Këshillit të Prindërve përpos rekomandimeve nga IKSHPK-ja dhe IHMK-ja, Këshilli i Prindërve të Kosovës ka kërkuar që procesi mësimor të përfundojë gjatë ditës së premte.
Sipas Islamit, shumica e institucioneve publike arsimore nuk janë të pajisura me sistemin e klimatizimit dhe se procesi i vlerësimit tek nxënësit ka përfunduar.
“Duke i parë kushtet aktuale të shkollave dhe mungesa e klimatizimit në shumicën e shkollave dhe temperaturat e larta, procesi mësimore ka filluar që orët të shkurtohen. Ky rekomandim pritet të miratohen nga MASHT-it dhe do shkurtohen orët, pasi që është edhe fundi i vitit shkollor dhe nesër të jetë dita e fundit e mësimit. Të premten dhe të hënën do të ketë mësim, por kërkojmë që nesër të përfundohet pasi që vlerësimi i nxënësve thuajse ka përfunduar”, ka thënë Islami për Dukagjinin.
E doktoresha, Shpresa Krasniqi ka thënë se duhet të kushtohet shumë kujdes për rreziqet potenciale që mundet ti sjell temperaturat e larta, shkaku mos të kemi ndonjë telash shëndetësor. Ajo ka shtuar se procesi mësimor rekomandohet që të zhvillohet në orët e hershme të paradites ose në orët e pasdite.
“Simptomat mund të jenë si : dehidratim, plogështi, marramendje, pastaj ka filluar të shfaqet rotavirusi tek fëmijët e vegjël”, ka deklaruar Krasniqi. /Katror.info
Përgatiti:
