Në Shërbimin e Logopedisë, i cili vepron në kuadër të Klinikës së Otorinolaringologjisë, të Qendrës Klinike dhe Universitare të Kosovës, brenda muajit 480 fëmijë marrin shërbime logopedike nga logopedët.
Për t’u informuar për kushtet e punës, trajtimin e fëmijëve dhe punën që bëhet në këtë shërbim, të premten në vizitë ishin, Dr. Ardian Shefkiu nga ShSKUK dhe U.d. drejtori i QKUK-së, Osman Hajdari.
Në takim me shefen e këtij Shërbimi, Zahide Raci, dhe logopeden Rudina Fetahaj, ata u informuan për punën profesionale dhe nevojën e zgjerimit të këtij shërbimi me hapësirë dhe staf profesional, por edhe për trajnime profesionale.
Mundesh me e lexu edhe…
Gjatë vizitës, menaxhmenti kërkoj që shefja e shërbimit në bashkëpunim me logopedët të bëjnë një plan konkret, në të cilin do të shpjegojnë nevojat për investime dhe shtim të stafit profesional./Katror.info
Përgatiti:
