Pas disa ditësh prej kur fitoi bindshëm medaljen e saj të dytë olimpike, Distria Krasniqi, dha intervistë për Federatën Ndërkombëtare të Xhudos. Ajo u shpreh se ishte e kënaqur me rezultatin, si dhe foli për gjithë punën e palodhshme që kanë bërë bashkë me ekipin për t’u përgatitur për Paris 2024.
“Në ditën e dytë të Lojërave Olimpike Paris 2024, kampionia olimpike e Tokios në kategorinë -48 kg, Distria Krasniqi (KOS) zbriti në tatami në kategorinë -52 kg. Jo shumë xhudiste kanë fituar dy medalje olimpike; aq më pak në kategori të ndryshme. Distria është në mesin e tyre”, shkruan Federata Ndërkombëtare e Xhudos për Distria Krasniqin.
Ajo i kaloi lehtësisht raundet e para në Champs-de-mars Arena, ishte e lirë në raundin e parë dhe pastaj korri një fitore ndaj xhudistes indoneziane në raundin e dytë. Pastaj fitoi ndaj Gefen Primo të Izraelit në të tretën përpara se të takohej me kampionen aktuale botërore dhe medalisten e dyfishtë olimpike, Odette Giuffrida në gjysmëfinale. Këtu korri edhe një fitore që e çoi Distrian në finale, finalja e saj e dytë olimpike radhazi. Ishte Keldiyorova (UZB) që në fund mori medaljen e artë, por Distria e ka të qartë se çka nënkupton ta bartësh medalja e argjendtë.
Mundesh me e lexu edhe…
“Kjo medalje, sigurisht që është diçka shumë e madhe. Isha e zhgënjyer për disa minuta me këtë medalje, por pas disa bisedave me trajnerin, Kuka, u ndjeva mirë; dy kategori, dy finale. Jam e kënaqur me rezultatin dhe jam krenare për veten”, shtoi tutje Krasniqi.
“Flas me shumë atlete për ndjenjën pas marrjes së medaljeve. Pas Tokios ishte shumë më e madhe sepse isha shumë e përqendruar dhe pastaj, të nesërmen, thjesht largohet. S’kishte çka ta vrisja mendjen më. Ndihem njësoj këtu, një lloj zbrazëtie, por nuk është aq ndikuese këtë herë, e di që do të rregullohet, kam qenë në këtë gjendje më parë, kështu që shpesh s’na pret asgjë më përpara, nevoja për të mbetur të përqëndruar përfundon, por do ta menaxhoj këtë ndjenjë më mirë këtë herë dhe pas disa javësh do ta shijoj rezultatin”.
“Do të vazhdoj të stërvitem tani për tani, duke mos menduar për ndonja ndeshje tjetër pasi është shumë larg, por nëse gjithçka shkon mirë, ndoshta do të ketë një cikël tjetër. Padyshim që nuk jam e gatshme të pensionohem ende. Do ta marr ciklin tjetër më shtruar, ndonëse siç thashë edhe për Tokion dhe s’mori shumë kohë për të ndryshuar, si dhe trajneri Kuka më tha të mos mendojë për ndeshje tjera, të pushojë, të marrë kohë dhe të rikuperohem”.
“Sa i përket finales, isha aq e përqëndruar në gjysmëfinale dhe finalja erdhi aq shpejt, sa nuk e kisha zhvendosur fokusin. Isha pak e lumtur për fitoren e gjysmëfinales dhe nuk u fokusova te Diyora. Gjithashtu u stërvita shumë për t’u ballafaquar luftuar japonezën në atë finale. Punojmë për t’i analizuar të gjithë, por veçanërisht Utën. Pra, kisha një kundërshtare tjetër nga ajo që prita dhe vetëm pak kohë për të përgatitur. Gjithsesi, ditën që Diyora ishte e fokusuar ndaj gjitha nesh dhe ishte mbresëlënëse. Diyora e meritoi të artën”.
“Si ekip, jo thjesht si medalje apo rezultat, jemi të rëndësishëm për vendin. Një medalje e dytë në Lojëra Olimpike më sjell shumë respekt edhe mua. Medalja e Majlindës ishte më e madhja për ne, ajo që ndryshoi jetët tona. E imja dhe Medaljet e Norës kontribuan dhe të gjitha së bashku kanë ndikuar në sportin e xhudos në Kosovë, pasi jemi bërë ambasadorë të vendit, kemi treguar se mund t’i tejkalojmë problemet që kemi pasur në historinë tonë të re.
Ky mesazh përfundimtar është që duhet theksuar. Sporti mund të na ndihmojë të kapërcejmë problemet e kombeve tona, e ndryshon jetën e njerëzve për mirë”, përfundoi Krasniqi për Federatën Ndërkombëtare të Xhudos./Katror.info
Përgatiti:
