Parisi u ka thënë lamtumirë Lojërave Olimpike Verore në mbrëmjen e së dielës, pas organizimit të garave që janë lavdëruar në gjithë botën.
Ceremonia e mbylljes së Lojërave është mbajtur para 71.500 spektatorëve në stadiumin Stade de France, të cilët kanë duartrokitur gjatë parakalimit të rreth 9.000 atletëve, me flamuj të shteteve të tyre në duar.
Ceremonia ka nisur me heroin Francez të notit, Leon Marchand – fitues i katër medaljeve në këtë Olimpiadë – i cili e ka bartur flakën olimpike prej qendrës së Parisit për në stadium.
Po këtë natë, francezët ua lëshuan rendin amerikanëve të cilët në Los Anxhelos shtrojnë konakun për edicionin e vitit 2028.
Në një ceremoni impozante në përmbyllje të këtyre garave, aktori Tom Cruise u lëshua nga kulmi i Stade de France për të marrë flamurin olimpik, duke sinjalizuar kësisoj edhe kapitullin e ri të këtyre lojërave.
Po ashtu, pjesë e ceremonisë ishin edhe yje të tjera të muzikës amerikane, si Red Hot Chili Peppers, Billie Eilish, Snoop Dogg dhe Dr Dre.
Mbyllja e këtyre Lojërave e nis numërimin mbrapsht për organizim të Olimpiadës së radhës pas katër vjetëve në Llos Anxhelos.
Përgjatë 17 ditëve të garave janë regjistruar shumë momente mbresëlënëse, dhe janë thyer shumë rekorde nëpër sporte të ndryshme.
Për dallim prej ceremonisë hapëse, ditë me shi në Lumin Sena, ceremonia mbyllëse ka nisur pas perëndimit të diellit në kryeqytetin francez.
Shtetet e Bashkuara kryesojnë për medaljet e fituara në këtë Olimpiadë, 40 të arta dhe 126 në total.
Kina është e dyta, me 91 të tilla.
Kosova është përfaqësuar në këtë Olimpiadë me 9 sportistë dhe ka siguruar dy medalje olimpike.
Xhudistja Distria Krasniqi ka fituar medalje të argjendtë, ndërsa xhudistja tjetër, Laura Fazliu të bronztë.
Në total, Kosova gëzon pesë medalje olimpike prej pjesëmarrjeve në tri Olimpiada./Katror.info
Përgatiti:
