Kupolat e Bibliotekës Kombëtare të Kosovës janë ndriçuar me ngjyrë ari të hënën në mbrëmje, në kuadër të muajit të ndërgjegjësimit për kancerin në fëmijëri, ka njoftuar organizata “Action For Health”.
“Action For Health”, ka thënë se qëllimi ka qenë që të shprehet solidaritet me këta fëmijë të prekur dhe familjet e tyre, por edhe për të nderuar kujtimin e atyre që kanë humbur betejën me sëmundjen.
Sipas kësaj organizate, qëllimi kryesor është rritja e vetëdijes publike për kancerin në fëmijëri dhe rëndësinë e diagnostikimit të hershëm.
Mundesh me e lexu edhe…
“Aktiviteti i sotëm synon ta ngrejë dhe prekë ndërgjegjen e secilit prej nesh, sidomos të atyre që janë përgjegjës në sektorin e shëndetësisë. Ne kërkojmë angazhim më të madh, veçanërisht në fazat e hershme të luftimit të kësaj sëmundje tek fëmijët”, ka thënë Nezaqet Rukovci, udhëheqësja e organizatës.
Ky aktivitet, sipas “Action for Health”, ka bartur mesazh inkurajimi, force dhe ftesë për qytetarët të bashkohen në mbështetje të fëmijëve të sëmurë dhe familjeve të tyre që po përballën me këtë sfidë shëndetësore./Katror.info
Përgatiti:
