Sopranoja shqiptare, Marigona Qerkezi, ka bërë të ditur se do të performojë në shtetin e Brazilit, në teatrin “Municipal të São Paulo”.
“Shumë e lumtur të jem në Brazil, në teatrin e mrekullueshëm “Municipal të São Paulo”, për shfaqjet e ardhshme të operës ‘Nabucco’. Mezi po pres të sjell këtë operë të jashtëzakonshme në këtë teatër kaq madhështor”, është shprehur ajo.
Si soprano e shquar, Marigona ka shkelur shumë skena anembanë botës dhe ka marrë role të mëdha në shumë evente artistike.
Mundesh me e lexu edhe…
Ajo ka një krijimtari të pasur artistike si soprano e shquar, ka shkelur shumë skena anembanë botës dhe vazhdon të marrë role të mëdha në shumë evente artistike.
Marigona është me prejardhje nga Kosova, e lindur në Zagreb dhe e shkolluar në Lubjanë. Ajo rrjedh nga një familje artistësh.
“Kam lindur në Zagreb, ndërsa në Lubjanë e fillova klasën e parë të shkollës fillore, nëna ime ishte soliste në Teatrin Kombëtar Slloven, ndërsa babai im punonte në atelenë e kostumeve në të njëjtin teatër. Hapat e parë të shkollës së muzikës i fillova në shkollën e muzikës “Blagoje Bersa” për flaut, tek prof. Vesna Zornjak në Zagreb”.
Si e vogël kishte tipare të zërit kumbues dhe me kalimin e kohës, po ngjitej drejt skenave si fëmijë.
“Pikërisht në Lubjanë në moshën 6-vjeçare këndova për herë të parë para një publiku goxha të madh. Çdoherë e kujtoj atë performancë të veçantë dhe plot gëzim. Ndërkohë në vitin 2015, në Royal Opera House në Muscat debutova me rolin e Mbretëreshës së natës në operën “Flauti magjik” nga Mozarti, tregon ajo./Katror.info
Përgatiti:
