E përditësuar
Kosova ka lënë pas krahëve humbjen nga Rumania, derisa ka triumfuar në Qipro me rezultat të thellë. “Dardanët” triumfuan me shifrat prej 4-0, nga dy gola për secilën pjesë.
Ndonëse pa Edon Zhegrovën, Aro Muriqin e Florent Muslijën dhe me shumë ndryshime të tjera në formacion, Kosova ka dominuar plotësisht ndaj Qipros, të hënën mbrëma në Larnaca. Përfaqësuesja e Kosovës në futboll shënoi fitoren e parë në edicionin e katërt të Ligës së Kombeve.
Mundesh me e lexu edhe...
Kosova fitoi me rezultatin 4:0 ndaj qipriotëve që ishin inferiorë në fushë. Ndeshja u zhvillua në praninë e pak shikuesve, ndërsa u dominua plotësisht nga “Dardanët”.
Kosova bëri një lloj reagimi pas humbjes së thellë, 3:0, të premten në “Fadil Vokrri”. Po të premten, në ndeshjen tjetër të Grupit C2 të Ligës së Kombeve, Qiproja kishte fituar ndaj Lituanisë, 1:0.
Qipriotët, megjithatë, ishin pa gjasa në ndeshjen ndaj Kosovës.
Në pjesën e parë shkëlqyen Vedat Muriqi e Donat Rrudhani. Rrudhani mbuloi krahun e majtë të mbrojtjes dhe siguroi penallti të hershme. Nga pika e bardhë i saktë ishte Vedat Muriqi, që shënoi për 1:0 në minutën e nëntë.
***
Kosova po shënon fitore ndaj Qipros.
Lumbardh Dellova po ashtu ka shënuar golin e parë për Kosovën. Ai goditi fuqishëm për 4:0 ndaj Qipros, në minutën e 55-të.
Dellova u aktivizua në pjesën e dytë në vend të Fidan Alitit.
Albion Rrahmani ka shënuar golin e parë me Kosovën. Ai realizoi për 3:0 në minutën e 48-të. Asistues ishte Milot Rashica.
Rrahmani u aktivizua në vend të Vedat Muriqit të lënduar.
Në fillim të pjesës së dytë është aktivizuar edhe Lumbardh Dellova, në vend të Fidan Alitit.
****
Muriqi ishte autor i dy golave në këtë takim, duke shënuar fillimisht në minutën e tetë nga pika e bardhë për 1-0 dhe pastaj në minutën e 20-të me kokë për rezultatin 2-0.
Përveç Muriqit në këtë takim vlen të theksohet edhe paraqitja fantastike e Donat Rrudhanit i cili e fitoi penalltinë e konkretizuar në gol nga Muriqi si dhe asistoi tek goli i tij i dytë.
***
Kombëtarja e Kosovës në futboll, sot përballet në udhëtim me Qipron, në ndeshjen e dytë të këtij sezoni në Ligën e Kombeve.
Dardanët do të kërkojnë këndelljen pas humbjes 0:3 kundër Rumanisë, të premten e kaluar në “Fadil Vokrri”.
Arjanet Muriq, Edon Zhegrovën dhe Florent Muslijan do të mungojnë, megjithatë skuadra jonë synon fitore në duel me qipriotët.
Kombëtarja jonë tashmë ka kryer përgatitjet e duhura për sfidën me Qipron, ndeshje kjo tejet e rëndësishme për skuadrën.
Përzgjedhësi i Kombëtares së Kosovës, Franco Foda, në konferencën e fundit para duelit më Qipron, ka kërkuar nga të besuarit e tij që të bëjnë çmos që të marri pikët e plota nga kjo sfidë.
“E kemi analizuar ndeshjen që humbëm nga Rumania. Jemi fokusuar për ndeshjen e radhës kundër Qipros. Duhet të bëjmë çmos që t’i marrim tri pikë”, tha Foda.
Ndeshja Qipro-Kosova fillon në orën 18:00 dhe transmetohet drejtpërdrejt në RTK./Katror.info
Përgatiti:
