Pas një jave kushtuar filmave vendorë, rajonalë e ndërkombëtarë, PriFest përmbylli edicionin e 16-të të dielën, duke shpërblyer filmin e metrazhit të gjatë, “Silence of Sirens” me çmimin kryesor të Prishtina International Film Festival “Vjosa Berisha”.
Filmi ‘Silence of Sirens’ i regjisorit Gazmend Nela është bashkëprodhim ndërmjet Kosovës, Shqipërisë, Zvicrës dhe Maqedonisë së Veriut, në të cilin trajtohet tema e korrupsionit dhe moralit të dyshimtë në një shoqëri në tranzicion, përmes një tregimi të përqendruar në jetën e një polici të thjeshtë.
Ky film gjithashtu mori edhe cmimin për aktorin më të mire, i cili shkoi për Sunaj Raçën, që luajti protagonistin, Avniun.
Mundesh me e lexu edhe...
Çmimi për filmin më të mirë të shkurtër shkoi për filmin “Highway of a Broken Heart nga regjisori Nikos Kyritsis, nga Greqia.
Çmimi për filmin më të mirë të mesëm shkoi për “And the wind weeps”, të regjisores Aulona Selmani, e cila cmimin ia dedikoi kastës së aktorëve të njohur kosovarë.
Çmimi për regjisorin më të mirë është ndarë për regjisoren Una Gunjak për filmin Excursion.
Aktorja më e mirë është shpallë Lana Baric që ka luajtur në filmin “This is not a love song.”
“Çmimi për Kineastin e Vitit” është ndarë për regjisoren Luana Bajrami, e cila në këtë edicion u prezantua me filmin “Bota Jonë”. E për këtë cmim, drejtori i PriFest Fatos Berisha, tha se nuk ka qenë e vështirë, që të merrej vendim, marrë parasysh, pjesëmarrjen e Luanës në festivalet e filmit në Kanë e Venedik.
Sivjet është ndarë edhe një çmim i veçantë, “Çmimi për Kontribut Jetësor” i cili i është dhënë aktorit të mirënjohur Enver Petrovci.
Duke marrë këtë çmim, aktori Enver Petrovci, me shaka ka thënë se “edhe pse pas një cmimi të tillë nuk mbetet më cka të merret, unë nuk shkoj pa e marrë një cmim në Kanë, apo Berlinale.”
PriFest u quajt si edicion i jashtëzakonshëm, që përvec filmave solli edhe punëtori, trajnime, takime, festa e muzikë, por c’është më e rëndësishmja solli filma shumë kualitativë./Katror.info
Përgatiti:
