Selektori i Kombëtares së Kosovës, Franco Foda është ndier i kënaqur përgjithësisht me paraqitjen e mbrëmshme të djelmoshave të tij në fitoren ndaj Qipros me rezultat të pastër, 3:0, në kuadër të Ligës së Kombeve.
Trajneri gjerman megjithatë e ka një këshillë për lojtarët e tij dhe këtë ua përmendi pas fitores ndaj qipriotëve, shkruan “Gazeta Express”.
“Ajo që nuk më pëlqeu shumë ishin dhjetë apo pesëmbëdhjetë minutat e fundit, ku ishim paksa të shkujdesur, dhe mbi të gjitha duhet të kishim shënuar edhe një ose dy gola më shumë.
Mundesh me e lexu edhe…
Ai në konferencë për shtyp foli edhe për Milot Rashicën, për të cilin tha se e pësoi një lëndim dhe u desh ta zëvendësonte, por edhe për Amir Rrahmanin, për të cilin u shpreh se e kishte një shqetësim dhe vendosi ta pushonte, në mënyrë që të dy lojtarët të rikthehen të shëndetshëm në klubet e tyre.
Foda i lavdëroi mbi të gjitha Lindon Emërllahun dhe Muharrem Jasharin, për të cilët tha se i pëlqeu paraqitja e të dyve.
Kosova fitoi mbrëmë falë golave të Amir Rrahmanit, Ermal Krasniqit e Emir Sahitit.
Dardanët i regjistruan tri fitore radhazi, një rekord absolut, ndërsa i kanë 9 pikë në Grupin 2 të Ligës C, tri më pak se liderja Rumania, me të cilën do të përballen në muajin nëntor në Bukuresht.
Kjo njëherësh do të jetë si një finale për Kosovën pasi aty do të përcaktohet edhe lideri final i grupit./Katror.info
Përgatiti:
