Numërimi prapa drejt Festivalit të Këngës në RTK ka filluar dhe ndajnë veç tre ditë nga festa muzikore. Detajet e fundit po marrin formë, teksa 16 artistët garues janë gati për të prezantuar krijimtarinë e tyre në edicionin e dytë të ngjarjes.
Përderisa festivali shënoi histori me themelimin e tij, sonte Radiotelevizioni i Kosovës do të prezantojë dokumentarin që shpalos prapaskenat e Festivalit të parë të Këngës në RTK, “Burnt to Flourish” duke filluar nga ora 21:00.
I udhëhequr artistikisht nga maestro Florent Boshnjaku, mozaiku muzikor sivjet do të kompletohet me dirigjimin e mjeshtrit, Alfred Kaçinari. Në aspektin vizual, skena premtohet të jetë krijim unik nën përkujdesjen e skenografeve, Shqipe Kamberi dhe Rudina Xhaferi.
Mundesh me e lexu edhe...
“Natën e parë e të dytën do të prezantohen 16 këngët e në finale shkon gjysma e tyre”, ka njoftuar në konferencën për media para festivalit, drejtori artistik Florent Boshnjaku.
Ndërkaq drejtori i Festivalit, Adi Krasta, gjatë përgatitjeve finale ka thënë se festa është gati.
“Sa shumë kanë punuar edhe më përpara për të mbërritur në këtë ditë. Është një festë e kryeqytetit, e gjithë vendit dhe e gjithë shqiptarisë, sepse ka një shikueshmëri e përcjellje jashtëzakonisht të lartë në Shqipëri, Maqedoni të Veriut, Mal të Zi dhe gjithë mërgatën shqiptare kudo në botë”, tha tutje Krasta./Katror.info
Përgatiti:
