Që kur grekët e lashtë kryen vëzhgimet e para të Hënës dhe qiellit, shkencëtarët e kanë ditur se Toka është një sferë.
Të gjithë kemi parë imazhe të bukura të Tokës nga hapësira, disa të fotografuara nga astronautët dhe të tjera të mbledhura nga distanca nga satelitët në orbitë.
Pra, pse planeti ynë nuk duket i rrumbullakët kur jemi duke qëndruar në një park ose duke parë nga një dritare?
Mundesh me e lexu edhe…
Përgjigja ka të bëjë me perspektivën.
Njerëzit janë krijesa mjaft të vogla që jetojnë në një sferë vërtet të madhe.
Një i rritur mesatar është midis 1.5 deri në 2 metra dhe fëmijët janë më të vegjël.
Toka është rreth 12.8 milionë metra e gjerë, madje edhe këndvështrimi i një të rrituri të gjatë është vetëm rreth 2 metra mbi sipërfaqen e saj.
Pra, nuk ka asnjë mënyrë që sytë tanë të marrin madhësinë e Tokës sferike kur ne qëndrojmë në të, shkruan yahoonews, përcjell Telegrafi.
Madje, nuk mund të thuash se Toka është një sferë edhe nëse ec në majën e malit Everest, i cili është 8,850 metra mbi nivelin e detit.
Mënyra e vetme për të parë formën e Tokës është të fluturosh më shumë se 10 kilometra mbi sipërfaqen e saj.
Kjo është për shkak se gjatësia e horizontit që ne shohim varet nga sa lart jemi mbi sipërfaqen e Tokës.
Bëhet e ditur se duke qëndruar në tokë pa asgjë që na pengon shikimin, sytë tanë mund të shohin rreth 4.8 kilometra të horizontit.
Kjo nuk mjafton për të parë formën e Tokës.
Për të parë të gjithë planetin sferik, do t’ju duhet të bëni një udhëtim në hapësirë.
Kjo do t’ju japë një pamje të plotë të Tokës nga një distancë shumë më e madhe.
Aeroplanët e mëdhenj komercialë gjithashtu mund të fluturojnë aq lart sa të japin pamje të lakimit të Tokës, megjithëse pilotët kanë një pamje shumë më të mirë nga pjesa e përparme e aeroplanit sesa pasagjerët nga dritaret anësore.
Jo mjaft sferë
Edhe nga hapësira, nuk do të dallonit diçka të rëndësishme për formën e Tokës: nuk është krejtësisht e rrumbullakët.
Në fakt është një sferë paksa e shtrirë, ose një elipsoid.
Kjo do të thotë se është pak më e gjerë rreth ekuatorit se sa është e gjatë, gjë që shkaktohet nga rrotullimi i Tokës i cili krijon forcë centrifugale.
Ndryshe, veçoritë topografike në sipërfaqen e Tokës gjithashtu shtrembërojnë pak formën e saj.
Ato shkaktojnë ndryshime në fuqinë e fushës gravitacionale të Tokës – forca që i tërheq të gjitha objektet në Tokë poshtë, drejt qendrës së planetit. /Katror.info
Përgatiti:
