Nesër në Galerinë Kombëtare të Kosovës do të hapet ekspozita e titullar “Shtëpia e Grave” me ç’rast do të prezantohet ekspozita vetanake dhe arkivi personal i Sanja Ivekoviq.
Hana Halilaj, kuratore theksoi se “Ekspozita përbëhet nga dy pjesë: njëra pjesë, një përzgjedhje të veprave të artistes që paraqesin të pesëdhjetë vite të praktikës së artistes, “një pjesë e kuruar nga unë dhe një ekspozitë e bazuar në hulumtimin e arkivit të Ivekoviq-it, e kuruar nga Ivana Bago”.
Ajo në “Mirëmëngjesi Kosovë” tha se veprat që prezenton Ivana e që mund të shihen në Galerinë Kombëtare të Kosovës janë mbi 300 materiale arkivore që e prezantojnë arkivin personal të Sanjas mirëpo, siç tha ajo, aty ka shënime, vizatime origjinale, video, fotografi, letra, postera të ekspozitave që i ka realizuar më herët e më pas riprodhime të shumë veprave të tjera të realizuara sikur ese vizuale.
Mundesh me e lexu edhe...
“Kjo është realizuar në vazhdimësi nga viti 1998 dhe e ka realizuar në shumë vende të botës, me gratë të cilat kanë përjetuar dhunë në familje, në strehimorë në vende të ndryshme”, shtoi ajo.
Ndër të tjera, ajo njoftoi se Ivekoviqi në vitin 2004 gjatë vizitës në Kosovë e ka realizuar këtë instalacion. “Para 20 vjetësh ka qenë hera e parë dhe e fundit që ka qenë në Kosovë. E ka realizuar këtë instalacion. Atëkohë është quajtur ‘Shtëpia e grave’. Edhe sot është strehimore për gratë e dhunuara, për dhunë në familje, fizike apo seksuale. Janë disa maska të ndërtuara nga gipsi, që nuk vërehet fytyra e tyre, mirëpo janë të shoqëruara me një tekst biografik rreth historisë së tyre që dëshmon për vështirësitë dhe përjetimet e tyre”.
Halilaj për Ivekoviqin tha se ajo “është pioniere e videos, e performancës dhe një artiste feministe e njohur për fillimet e punës së saj në vitet 1970 në ish-Jugosllavi, mirëpo e njohur edhe ndërkombëtarisht me ekspozita të shumta të cilat i ka zhvilluar në gjithë botën”.
Megjithëse ofrojnë qasje të ndryshme ndaj punës së Ivekoviqit, të dy ekspozitat i bëjmë bashkë për ta paraqitur këtë veprimtari si një trashëgimi fuqizuese, për t’u përdorur si frymëzim për adresimin e realiteteve komplekse të hapësirës post-jugosllave dhe më gjerë.
Këto prezantime të artit të Ivekoviqit e shndërrojnë Galerinë Kombëtare të Kosovës në një “shtëpi” takimesh fuqizuese të gjenerave të ndryshme./Katror.info
Përgatiti:
