Ambasadori Jeff Hovenier u nderua sot me Çelësin e Qytetit nga Kryetari i Komunës së Prishtinës, Përparim Rama.
Ai shprehu mirënjohjen e tij ndaj Qytetit të Prishtinës dhe Kryetarit Përparim Rama për nderimin me “Çelësin e Qytetit” gjatë vizitës së tij lamtumirëse.
“Gjatë vizitës sime përshëndetëse u nderova nga Qyteti i Prishtinës dhe kryetari Perparim Rama, me ‘Çelësin e qytetit’ të Komunës së Prishtinës. Nga bisedat tona të përbashkëta për ta shndërruar Prishtinën në një kryeqendër kulturore dhe përpjekjet e përbashkëta në mbështetje të artit, e kam vlerësuar bashkëpunimin tonë. Ju uroj suksese në vazhdimësi juve dhe qytetit të Prishtinës”, u shpreh Ambasadori Hovenier në fjalën e tij përshëndetëse.
Mundesh me e lexu edhe...
Ambasadori Jeffrey M. Hovenier ka shërbyer si ambasador i Shteteve të Bashkuara në Kosovë që nga 10 janari 2022. Ai u emërua nga Presidenti Joe Biden në korrik 2021 dhe u konfirmua nga Senati Amerikan në nëntor të po atij viti. Paraardhësi i tij ishte Ambasadori Philip S. Kosnett
Kontributet e tij në Kosovë shkojnë përtej mandatit si ambasador. Në fillim të karrierës së tij, Hovenier ishte pjesë e ekipit që mbështeti Emisarin e Posaçëm të OKB-së për statusin politik të Kosovës, Martti Ahtisaari. Ai luajti një rol të rëndësishëm në Konferencën e Rambujesë dhe procesin e Vjenës, duke ndihmuar në procesin e ndërtimit të shtetit të Kosovës. Për këto kontribute, ish-presidenti i Kosovës, Hashim Thaçi, e nderoi me Medaljen Presidenciale Jubile për 10-vjetorin e Pavarësisë së Kosovës
Gjatë mandatit të tij si ambasador, Hovenier është fokusuar në forcimin e marrëdhënieve ndërmjet SHBA-ve dhe Kosovës, mbështetjen për normalizimin e marrëdhënieve mes Kosovës dhe Serbisë, dhe promovimin e vlerave demokratike në rajon./Katror.info
Përgatiti:
