Shqipëria është kandiduar për të qenë vendi mikpritës i World Law Congress, një forum botëror me një reputacion dhe prestigj të jashtëzakonshëm.
Lajmin e bëri të ditur sot kryeministri Edi Rama, i cili ishte i pranishëm në prezantimin e platformës “Transparent Albania”, një portë unike për akses të shpejtë dhe të lehtë në informacion, që vendos transparencën buxhetore si prioritet.
Rama theksoi se zgjedhja e vendit mikpritës për këtë forum, është pa diskutim jo thjesht pjesë e nevojës për të pasur një infrastrukturë mikpritjeje të denjë, por lidhet me çfarë vendi mikpritës përfaqëson në aspektin përmbajtësor të këtij forumi.
Mundesh me e lexu edhe...
“Zgjedhja e Shqipërisë, si një ndër kandidatët për të marrë mikpritjen e World Law Congress, lidhet pa diskutim me imazhin tërësisht të ri të Shqipërisë dhe me vlerësimin botërisht konsensual të gjithçkaje Shqipëria ka bërë në këtë dekadë në drejtim të shtetit të së drejtës”, tha Rama.
Ndërkohë, Kryeministri u shpreh shpresëplotë se ne nuk jemi thjesht një vend kandidat, por që do të jemi vendi mikpritës i këtij forumi vitin e ardhshëm./ATSH/ Katror.info
Përgatiti:
