A e dini se në çdo cep të botës, njerëzit festojnë Vitin e Ri me zakone të veçanta, disa të lashta, disa shumë të çuditshme? Nga Shqipëria deri në Japoninë e largët, Viti i Ri është një festë ku traditat marrin kuptim të veçantë. Zbuloni më poshtë një udhëtim përmes traditave dhe zakoneve të Vitit të Ri nga e gjithë bota…
Evropa, me diversitetin e saj kulturor, ka tradita interesante për Vitin e Ri:
Mundesh me e lexu edhe...
Spanja
Në mesnatë, spanjollët hanë 12 kokrra rrushi, një për çdo goditje të orës, duke uruar fat për secilin muaj të vitit.
Itali
Italianët veshin të brendshme të kuqe, që simbolizojnë fat dhe pasion. Gjithashtu, hanë thjerrëza për të sjellë pasuri.
Gjermania
Praktikohet Bleigießen, një ritual ku shkrihet plumbi dhe forma që merr interpretohet si parashikim për vitin e ri.
Skocia
Në traditën e njohur si Hogmanay, personi i parë që hyn në shtëpi pas mesnatës duhet të sjellë dhurata si qymyr ose bukë, për fat të mirë.
Greqia
Buka me monedhë, e ngjashme me traditën shqiptare, quhet Vasilopita dhe hahet në ditën e parë të vitit.
Azia dhe Oqeani janë rajone të pasura me rituale simbolike:
Kina
Viti i Ri Kinez festohet me fishekzjarre për të larguar shpirtrat e këqij. Shtëpitë pastrohen dhe dekorohet me ngjyrën e kuqe.
Japoni
Në mesnatë, kambanat e tempujve bien 108 herë për të larguar mëkatet e vitit të kaluar. Familjet hanë soba (petë të gjata), simbol i jetëgjatësisë.
Filipinet
Një zakon interesant është përdorimi i simboleve rrethore si fruta ose veshje me pika, që simbolizojnë bollëkun dhe pasurinë.
Australia
Në Sidnei, fishekzjarret mbi portin e qytetit janë ndër më të mëdhatë në botë.
Edhe Amerika dhe Afrika kanë zakone të veçanta për Vitin e Ri:
SHBA
Në Nju Jork, festimi kryesor është numërimi mbrapsht dhe hedhja e topit të kristaltë në Times Square.
Meksika
Në mesnatë, njerëzit mbushin gota me ujë dhe i derdhin në rrugë për të larguar energjitë negative.
Brazil
Festuesit veshin të bardha dhe hedhin lule në det si ofertë për perëndeshën e ujërave, Yemanja.
Afrika e Jugut
Në disa qytete, njerëzit hedhin mobilje të vjetra nga dritaret për të shënuar një fillim të ri.
Kolumbia
Ecja me një valixhe bosh rreth shtëpisë simbolizon dëshirën për të udhëtuar gjatë vitit të ri. /Katror.info
Përgatiti:
